أ.د. صادق المخزومي
- الشعر الاجتماعي في النجف الأشرف
الشعر الاجتماعي هو الذي يحدثك عن المجتمع وحالته والبيئة والمؤثرات فيها والشخصيات وأثرها الاجتماعي في حياة المجموعة العامة. هنا يكاد الشعر الشعبي ينافس الشعر القريض في سبر إشكاليات اجتماعية وما إليها من مدخلات ومخرجات.
ظل الشاعر الشعبي في تفاعل مع مجتمعه في كل واردة وشاردة. يراقب حينا ويترصد الأوضاع المخطوءة، ويبدي رأيه تارة يرجح وأخرى يحذر من العواقب، وبخاصة في المدخلات الاجتماعية المتمثلة في الموضة، فإنها بلغت الزبى في أوائل السبعينيات إذ وصلت مودة "الميني جوب" والملابس الضيقة للبنات، والتي تحدد حركة الجسم وتبرز مفاتنه؛ أما الشباب فكانت مودتهم الجديدة ملابس الكابوي وبنطلونات الجينز، هذه الحالة أوحت الى الشاعر الشعبي المبدع الشاعر عباس ناجي أبيات ناجعة في الحفاظ على الحجاب ودحض التخنث:
ثوبج كصر من الغسل لو عدمته الخياطه
لو هاذي مودة هالعصر عتوي وكع بشباطه
- يبنيه ردي الحشمتج لتجشفين الركبه
خلي المضايق كامنه إتفرق جثير الحسبه
إن شبعت العين أكتفت ونطفت نار الرغبه
وبيت المحبه ينسرق لو رفعوا السلـكـاطه
- من فضل الله اميسر وبزهد ثمن عدنه الخام
شنهو السبب متكحطه وبالثوب متحزمه حزام
صعدي الأمانه براحتج مول يوره وليجدام
تتمايلين امجتفه مثل الطفل بكماطه
- وشكد حلو جان الشعر من ينتشر عالمتنين
بيه الضفاير زاهيه تلعب طرب من تمشين
شدعي على الحلاقه هالموده جابتهه أمنين
ما خافت الله اتعمدت بالشعر لعبت ماطه
- ساعة بالأبرة إتنكصه وساعه يتشده برولات
وساعة نفرتيتي الطرز وساعه تكلبه كلاوات
شو بطلن من هالعقل يكفي اللعب يبنيات
عمجن وقدم نصحتي لتغشجن المشاطه
- دورات أشوفج ونقهر من أكعد بسياره
تصفين سيقانج سوه متقيده ومحتاره
شو أنتي تخفين الركب لتشوفج النظاره
عود أنتي هم مثل الصدك متحفظه ومحتاطه
- من عدجن العدوه سرت وأبتلت بيه الشبان
والبنطرون أصبح لطش والصدر دالع عريان
حلاقهم موسه إنكسر صار الزيان بقيطان
وأمريكي حسون الطرز واحدهم أصبح قاطه
يبقى الشاعر عدسة تلتقط الصور الاجتماعية وتلونها بما يلائم الحالة برشاقة حروفه وعطر كلماته، بخاصة حين تكون تمظهرا متمازجا بين السياسة والمجتمع، مثل الانتخابات ونتائجها، نلحظ الشاعر يعرب عن موقفه منها إما رافضا او مهنئا يترجم مدى رضا مجتمعه او سخطه. ولا يقف عند هذا بل يطالب النائب أن يفي بوعوده، وأن يشبع حاجات مجتمعه التي تحوم حول الحرية وعدم التبعية أسوة بالشعوب التي تحررت ولم تصافح الأجنبي "أوخلت وطنها ايروح تحت الرهن".

من هذه التمثلات نظم الشيخ هادي القصاب قصيدة بمناسبة فوز النائبين الحاج كاظم احمد سعد راضي والدكتور السيد علي الصافي عن النجف الأشرف بالانتخابات النيابية فى 1952م / 1372هـ، والقاها الحاج رسول محيي الدين في الميدان (ساحة الامام على -ع) :
بالوطن رايات النصر رفرفن امن اصبحت يالكاظم مثال الوطن
-صوت النيابه ابشخصك امن انتدب رفرفت رايات النصر عالشعب
والنجف اصبح يفتخر من سبب بيك الأمل أصبح وحسن المُظن
-ما لوّح اعلى النجف نور الفجر اِلّه او يمينك بيهه راية نصـــر
با ريت كل دور اليمر اوعصــر رأيات عـــزنه ابجفــك ايرفرفن
-الحك الك لو تصبح مثال النجف واتنوب عن أهل المجد والشرف
انته الشـــبل للعود وأنته الخلف بالعز علينه اترد ليـالي الـمضن
-مو عجب هذا المنصب اومنزلك او لا عجب شخصك للنيابة ملك
امن أبٍ وجد كرسي الرياسه إلك اولجل الزعامه انته روح ايّدن
-بـــين المراجل والعزم والإبه اتلــوك النيـابه الك و المرتــــبه
لأجـن يريد النجف حق الربة منك اوتدري اعيونه ليك اشبحن
-هذا النجف للوطن سور أوحمه بيه الصميدة أوحاوي كل مكرمة
اصفوق الملايك تنزل امن السمه بأمـــر الله وبأعتـابه يتـــبرّكن
-وانته لون شانك صبـــح مرتفع جن لنّك من النجف طالع فرع
عاين اودونك اشرف اعلى الوضع شوف الأجانب بي اسّوّت فتن
-ســـر الحقيقة امبين اومنجــلي بي اصبحت مسؤول انته او علي
بيد الاجـانب لا يظل ينـــولى أولا ينشرى اوينباع ببخس ثـمن
-مــن عادة الحر العفيف النفل للاجنبى مـا يخضـــع أولا يـذل
دون الوطن بالنفس يبذل بذل لو يلبس ثيـاب النصــر لو جفن
-كل الشعوب اتحررت واصبحت الها المناصب والأمــر والتخت
من حيث ما خضعت ولا صافحت أوخلت وطنها ايروح تحت الرهن
-يا دوله مثل اعراكنه او يا شعب بى أصبحت تلعب أيادي الشغب
وين الأحرار أهل الإبه شالسبب كل يوم طاغي ايكوم يحدي الظعن

- المناسبات الاجتماعية (المواليد والاعراس)
في المواليد والاعراس وتمثلاتها من المناسبات الاجتماعية يجتمع الشعراء والمنشدون، وتلقى الأشعار بما يناسب صاحب المقام، ومن المؤكد ان الشاعر يقول ما في جعبته التي هي مرآة لشخصيته وعلى قدره، لكن تبقى ينظمها خيط الفرحة وتنوع التعبيرات، فمنها هذه القصيدة التي نظمها الشيخ هادي القصاب، والقيت بالحفل الذي أقيم بمناسبة زواج الرادود طاهر أمين شلاش في بيته، القاها الرادود ابراهيم الشمرتي في 1965م. نلحظ ان الشاعر استثمر مناسبة العرس ليبسط في التعريف بالاعراف المستقيمة والتقاليد المعوجة.
في محاولة لتصحيح المغلوط وتقويم السليم، ليكون قاعدة متبعة في زمن سمو الفكر وعلو الوعي، لتقف مدركة في وجه العادات المستحدثة الميالة الى الغناء وأدواته، أو العادات المستقبحة التي عمادها الخرافة والجهالة والمتخيل التاريخي والتراثي والروائي. على أنه يمتح العادات التي سنها أل البيت وسارت كالمثل بين الناس، هي التي تنمي الترابط الاجتماعي بين الاسرتين، وتؤلف معنى الحياة السعيدة بين الزوجين. القصيدة :
تقـاليد الزواج العــدنه معـــروفه اسمع خل أخبرك عن معـانيهه
بعض منه سخافه او جهل مكشوفه او بعض منها حقائق منفعه بيهه
أظن هالنظره مو ملتفته ليه الناس عن بعض التقاليد الذي عدهه
احنه ابعصر تفكير اوعي اواحساس الحقائق زين نعرفه او نشاهدهه
بعض عادات عده اتشيل بيها الراس او بعضها مـهزله اوهيه تقلّدهه
او هـالحفله ابرجال الفكر مـحفوفه خل تلفت انظـار المجتمع ليـهه
العرس مرآة كلمـا تعكس اتشـــوفه لتعكس مـهزله بيهه او تراويهه
اول شوفهه اشـــلون السخافة اتصير لمن يحضـــر العــريس للـدخله
حـــين اللي يطب لازم ابكل تقــدير فوك اذيالهـا ايصلي إذا صــلّه
او كل واحد ابئید او رجل للتطهير يغسلوهن او ينطي انـكوط للملّة
او لازم من يطب ويصـــير بالجوقة هوه الياخذ الشــمعه او يطفيهه
او تجي وحده اوتفك احزامه وتعوفه تســـتعقد احزامه امراد بنطیهه
هـاي امــــن التقـاليد اـــلخرافيه های ابیا روايه او آيه موجوده
هـای اقيـــــود عالانسـان جـرّبه واجب مجتمعنا ايعظم اقيودة
الزواج البي حيـاة الفته الزوجية لتخلي العجائز توصل احدوده
تره عدهن حـجـي او افعال ملفوفه حتہ ابلیس ما يكدر يســويهه
وانته اليوم تقره الممحي وحــروفه صـــحي الفكرتك زيـن صحيهه
او تعال او شوف عادات الذي سنهه
رسول الله اشكثر بيهه سعاده او خير
عـادات النبي هذي بعض منـهه اطعام الطعام البزفاف ايصـــير
الك مـرآة هــذي او مـــن تعاينهه بيهه اتشوف اهل الفضل والتقدير
ابو المعروف بيه اتشـــوف معروفه ابجيته ايقـدّر الـــخوَّة اويوافيهه
و ابو المنكر تظل ايديه مــــجتوفه لو ضـاك الملــح والزاد تـاليهه
اوبعد عادات عدنه اوبعض هالعادات هالحفله التصــير ابليلة الحنه
ولو هــم هذي اسطورة اوتقليدات لجن بيهه حقـائق تنكشف إلنه
بيهه تعرف اهـــل الزين والطبيبات بيه تعـــرف اليطلع غلط مـــنه
بالحفله شـــملنه انوحد صــــفوفه بالحفـــله ضـــمايرنه نصــــفيهه
قـايس بين اهـــل الطبل وكــيوفه او بيــن المثــل هالحفله اواهاليهه
او بعد عـاده ـخبرك بيهه تعـــرفهه ابهذا العرس وهيه عادة الصبحه
عـايلتين تنـــظرهه ابتعـارفهــــه منهه اصدورهم ابهالعرس منشرحه
اوعلاقتـــهم او محبتـــهم اوتآلفهم تكـثر بينهه ابمصبـاح هـالفرحه
حين اللي يجي العريس بضيــــوفه یعوفه احبـابه مجتمعه او يخليهه
او يروح لمرة عمّــــه بروح ملهــوفه او فوك اطلابته السواهه يخویهه
ومن الموضوعات التي يعالجها الشاعر الستيني إقامة حفلات الملاهي المفعمة بالمشروبات الروحية والسكر، وانما يدعو الى إقامة حفلات الشعر، لما فيها من تحقيق إنسانية المجتمع ولسان الشعر منطق الشعب المثقف " جن انكوم كل الشعب يتكلم " ومنها القصيدة نظمت من لدن الشاعر هادي القصاب في سنة 1965م والقيت في عدة احتفالات:
الملاهي والاغاني او نغمة الألحان مو ونسه الك لو ردت تتونس
خلى الناس بيك اتكول خوش إنسان
ونستك بالحياة اتصير هاي اونس
تشـــعر بالحياة أو بينهه تتمنه بالونسه حياتك دوم تكضيـهه
الونسه مو ملاهي اوليه تتعنه ولا نشــوة الخمرة التنتعش بيـهه
الونسه البيه تتنومس اوتتهنه الطبيبات التخلي النـاس تحـجيهه
لو تدعي الونسه اتآلف الخوان اكلك بينهم لازم خصم يندس
بس المحفل اللي للشعر ميدان هذه مدرسه اوبي كلنه ندّرس
محافل للشعر ينعقد وتصــوّر هاي اشلون للإنسان ونسه تصير
تعرضــلك فلـم وتكلك اتفکر انواع الشـــعور او أجمل التعبير
الشعر ميدان ورجال الشعر فرسان واليطلب الونسه ايكوم يتفرس
ربك ناس خالق للحرب شجعان اوخـالق ناس للمأكل اوللملبس
حفلات الشعر تنطيك معلومات للتوجـــيه وتفهّم المـا يفهم
لسان الشعر من تتكلم ا بابيات جـن انكوم كل الشعب يتكلم

في نهاية 1993 ارتأى الشاعر علي السلامي في أيام زواجه أن يقيم مولد فرح حسيني، ودعا له ثلة من الشعراء والرواديد، منهم: الشاعر رسول محي الدين، والشاعر عدنان جدي، والرادود ابراهيم الشمرتي، والشاعر جواد شربه، والحاج معين السباك، والشاعر عبد الرضا سياب الشكرجي، والرادود هادي مريطي، والرادود ماجد ابو هيمه، والرادود مهدي العلويه، والرادود مسلم حميدي، والشاعر سعد العبادي، والرادود الشاب محمد طالب البغدادي، والرادود علي المعمار، في آخرين. ولم يكتمل المولود الذي بدأه الشاعر جواد زاهد بعرافته وبعض القصائد، إذ هاجمهم أزلام الأمن، وتحول الى موقف تراجيدي؛ غير ان الشاعر السلامي كان قد نظم قصيدة في شكر الحاضرين:
- اشكر من حضر مجلـــس المولود
كرابه وصاحب وشاعر ورادود
- بداية كل تحيه لابو ماجد (رسول محي الدين)
يطيب اسماعنه وللحفل رائد
بطيبه ونخوته كل فرد شاهد
محي الدين الاصل بالكرم والجود
اشكر من حضر مجلس المولود
- ولبو مهدي بعد ثـاني تحيه (عبد الرضا الشكرجي)
صديج الوالدي وغالي عليه
اريد يقدم بعرسي هـــديه
من ابحور الشعر وبشعره مشهود
- وتحيه خاصه لجواد شـــربه
نزيه ولا تظن موجود شربه
من ساحل مياهه اطلبت شربه
ولا اظمه بعدهه واعطش اردود
- ولعدنـان أقــــدم شكر مني (الشاعر عدنان جدي)
وكل واحد اجــه البيتي يهني
كل اللي كصدني ينوب عني
انتو أهل الحفل وباسمي منشود
- وابراهيم ابو زيد الشــــمرتي
بحضوره للحفل زادت فرحتي
دعيته وبالفعل حقق دعـوتي
ترفقه العـافيه وعزة المعبود
- ولهادي مزيد من التحـايه (الرادود هادي مريطي)
مــــن أول حفلنه للنهـايه
كفـو للمحفل وبيه الكفايه
الخدام الحسين الحفل معقود
- وعريف الحفل نشكر له جهوده (جواد زاهد)
كفو للمحفل ابجيته اوجوده
الاله بخير هـالمحضر يعــوده
وايـام الهنه عـالوادم تعود
- وبعد للحاضرين ارفع سلامي
بشكركم ما أظن يوفي كلامي
جيتكم شــرف للبو السلامي
التعبير اختصر والوصف محدود
- أشكر مـــن حضر مجلس المولود
كرابه وصاحب وشاعر ورادود

ثمة نمط آخر لإقامة حفلات الفرح في مطلع التسعينات، إذ ظهرت فرقة تنشد في المواليد والأعراس على الطريقة الولائية لآل البيت، هي "فرقة الأبرار الحسينية" مؤسسها وقائدها الشاعر السيد محمد جواد الأعرجي في 1992م، وجمع أشعارها في ديوان "نفحة الأبرار للمواليد والأعراس". تميز شعره بالطرافة والفكاهة والنقد اللاذع فضلا عن الأسلوب الولائي وصبغة العشق لأهل البيت. وقد عالجت موضوعات اجتماعية شتى، نقتنص منها هذه القصيدة التي تعالج إشكالية العلاقة الزوجية الجديدة، بإزاء انتقال البنت الىى بيت الزوج في غضون وجود سلطة أمه، ويبدأ الصراع الذي ينتابه الزعل ومراجعة منزلها، حتى تخنع الزوجة ، أو يستوعب الطرفان الواقع الجديد. قصيدة "وينه اليدعم الموقف الإنساني"
-سلبيات عدنه او واجب اعلينه انـــوجه فكرنـه انعـالج البيــنه
حـــته تســـقط أقنعة التعادينه واجب هذا قدسـي نوري إيماني
-انقدنه الزفاف العاري والمشيات البيهه خسایر بيهه بس كشخات
وانقدنه الخمر والسرف والكعدات وانقدنه أمور التســـر عـدواني
-مـو حـالة جديده أبد هـالحاله ابمسرحهه الشخوص امبينه ابطاله
"علـج" اتربي بيهه ادموع ســياله تالي اتصير قســـمة بشــر حيواني
-اخسرت او تعبت اسنین برباهه ابشرع الله إجت مشيه ابشرع طه
جـــهزهه الأبو البنته وانطـاهه بعد مده الهرج والهوسه بـكواني
-إجتي امجنجله ودموعهه تجـري اسم الله بالطبـك و تصيح يا قهري
شنهي اشصار وصياحج خلص صبري عمي عمتي يابويه ابصدى احزاني
-حاله هاي وهذيج الأمـــر منـهه الأم والأخت للـجـنــه طردنهـــه
ابن الإبن فك لــــولة السدنهه هم هاذي حـجـي تحتاج يلساني
-ابهاي اللغوه كل الصوج من واحد من صاحب الأسره المرته ويساند
تدري المره عقل ازغیر واتعـاند إنتـــه اشـــلون ألهه اتأيد اتداني
إبنهه لو أخــذ تحســـب ابنهه راح المرته اوحضنها اوتسمعلهه اصياح
تشوف الـجنه أخذت روحهه السباح أويلي راح مـني الجان بحضـاني
أويلي اشـــلون مــرة العم والـجـنه لــــو يتوالمن إبليس طب جنّه
تصيح اشلون ولـجـن إبني أخذنه يظل اعبيـجـي وينه الكام حاجاني

وهناك أدبيات في المجالس الأدبية تمنح الحياة الاجتماعية قوة التواصل وتزيد من لحمته، من تمثلاته ثقافة الاعتذار بين الشعراء: أبوذيات اعتذار لما دار من مزاح في مجلس الشيخ هادي القصاب ينظمها الشيخ عبد الحسين أبو شبع في 25/ 12/ 1967، ويرد عليه القصاب في ذات الوقت، ويردفها محسن علي بيج باعتذار آخر :
أبو شبع: بيدك كوثر المجلس لنا دار
وغوص امن البحر طلع لنا دار
ميانه النه على دارك لنا دار
تداعبنه وضحكنه بحسن نية
القصاب: عليت انته اعلى ألف شامخ والف عال
والف مثلي شـــفيته انتـه والف عـال
حســن نيـــتك واخـلاقك والافعـال
أسـاس الدرس اِلنه ابهـا الثنية
علي بيج: زلاتي حديثه اتظن منازل
طلبـــة لزلتي تغفر منـازل
يا من تخدم الظامي منازل
اِلك وتشوفها ابجنته الهوية

اعتذار الشاعر عبود غفله من الشاعر ابراهيم الخليل ابو شبع ورد الخليل:
عبود: ياترى الدنيه زهيه بعينك وعذره (عذراء)
لايبو اسماعيل لاجن خـاينه وعذره (عين نجاسه)
فراكك وسرني بكيد الظـالم وعذره (القيود)
وضروس فركاك ترعى بمهجتي ولاجن (المضغ)
لاجني يـاوي كلوصي وعندكم لاجن (اذا مكث)
معتـــذر عبود غفله من الذنب لاجن
الحر من يعتذر يقبل الــحر عذره
الخليل: يامن بغوج الكمال عله البلاغه شان(هاجم)
ذاتك لبنها درن ماوصل ليها وشان (خالها)
وجهين كلمن حجه وياك أساسه شان(سيء)
مانكل طيبه الوشاك وللتلف عمره(العمر)
بأمرك وميدان فاضل للشعر عمره(شيده)
اي والجعل شوفتك حجه والف عمره
غير الله وحسين ماواحد عرفلك شان